網紅的藏寶箱我呢排狂通頂趕job身心俱疲搞到晚晚發惡夢，今晚發夢見到香港地殼變動搞到火山爆發同地幔外露，行出街好多熔岩喺地面一個個氹好似mon hunt啲地形傷害，我唔知點解冇著鞋一唔小心踩到啲熔岩燒紅嘅地面就好熱好痛，呢個時候我見到有間Armani 賣鞋嘅佢啲Armani皮鞋👞一地都係，有盒全新嘅仲比啲熔岩啜住咗我即刻執起佢嚟著，佢個鞋底勁厚用嚟行熔岩勁安全！但我驚閉路電視影到我執咗佢對Armani鞋就膽粗粗行入Armani想嘟吓對鞋睇吓幾錢，一嘟發現要5000蚊好貴呀冠瑤買唔起呀！就哎個職員話我冇鞋跑唔到返屋企叫佢平啲一千五百蚊賣比我，橫掂我唔執對鞋都跌入熔岩血本無歸，點知個職員話好呀本身都做緊特價一千八百蚊就一千五百比你啦，我心入面勁抌春，心諗早知開價五百啦平得果三百！妖！就係咁，我著住Armani優雅地行在熔岩上，不出三步，成隻Armani皮鞋就比地面啲熔岩啜住咗成隻甩咗，淹沒咗喺啲lava入面形成化石，我睇住千五蚊見財化水，成地都係熔岩冇鞋走唔到喊出嚟，瞓醒我反省自己呢個夢係想話我知我被貧窮限制咗我嘅想像，Armani邊可能千五蚊買到㗎👴🏻Armani邊有皮鞋賣㗎👞肯定係老翻嚟啦！冠瑤呀冠瑤你被人當水魚咁㩒呀！為此我作咗首歌叫 #著住Armani優雅地走在熔岩上 👞🔥